42 Бардыгы /

Манас шаарын Кыргызстандын борбор шаары кылууну референдум аркылуу эл чечет. Бул тууралуу Министрлер Кабинетинин Төрагасынын орун басары — УКМК төрагасы Камчыбек Ташиев өз пикиринде билдирди.

Камчыбек Ташиевдин айтымында, Манас шаарын борбор кылуу боюнча азырынча жетекчилердин дагы, саясатчылардын дагы оюнда жок.

«Бирок, Манас шаары — Кыргызстандын борбору деп аталып калса, сонун эле болмок. Эгерде ушундай маселе көтөрүлүп калса, анда аны кайсы бир саясатчы, жетекчи же кандайдыр бир топ эмес, референдум аркылуу эл чечиши керек. «Манас шаарын Кыргыз мамлекетинин борбору кылууга макулсузбу» деп эле референдум кылып койсо, эл өзү чечип коёт», – деди ал.

К.Ташиев эл макул болсо борбор жылдырыла турганын, макул болбосо жылдырылбай турганын кошумчалады.