54 Бардыгы /

Жыйынга Президенттин Жалал-Абад облусундагы ыйгарым укуктуу өкүлү Тилек Текебаев, Жалал-Абад шаарынын мэри Эрнисбек Ормоков, Министрлер Кабинетине караштуу Бизнести өнүктүрүү жана инвестициялар боюнча кеңешинин катчылыгынын жетекчиси Улук Кыдырбаев, БУУӨПтүн Кыргыз Республикасындагы туруктуу өкүлү Александра Соловьева, Улуттук инвестициялар агенттигинин алдындагы Мамлекеттик-жеке өнөктөштүк борборунун директору Нурбек Анарбекин, облустагы район-шаарлардын башчылары, 100гө жакын жергиликтүү ишкерлер катышты.

Облус башчысы Тилек Текебаев кеңештин кеңейтилген жыйынын өткөрүүнүн негизги максаты – Жалал-Абад облусунун район жана шаарларынын инвестициялык потенциалын жогорулатуу, өнүгүү мүмкүнчүлүгү толук ачылбай келген тармактарды жана жаңы ишкердик багыттарды сунуштоо экенин белгиледи. Ошондой эле мамлекеттик-жеке өнөктөштүк механизмдеринин алкагында артыкчылыктуу долбоорлорду ишке ашыруу зарылдыгына токтолду.

Жыйындын жүрүшүндө район жана шаар жетекчилери аймактардын инвестициялык мүмкүнчүлүктөрү тууралуу маалымат берип, даярдалган долбоорлорун сунушташты. Регионалдык инвестициялык кеңеш, бул мамлекеттик органдар менен ишкерлер ортосунда түз жана ачык диалог жүргүзүүгө, көйгөйлөрдү талкуулоого жана сунуштарды ишке ашырууга өбөлгө түзгөн аянтча болуп саналат.