9 Бардыгы /

Кербен шаарында да бул күнгө арналган маанилүү иш-чара өткөрүлдү.

1990-жылы БУУнун Баш катчылыгы тарабынан расмий майрамдардын катарына кошулган Карылар күнү — дүйнө коомчулугунун улгайган адамдарга карата урматын, камкордугун жана көңүлүн арноого багытталган өзгөчө күн.

Кербен шаардык мэриясы маалымдагандай, бул күндү белгилөөнүн максаты – карыларыбыздын жашоосуна көңүл буруу, алардын муктаждыктарына түшүнүү менен мамиле жасап, коомдогу орду ар дайым баалуу экенин көрсөтүү. Алар – өмүр тажрыйбасынын, акылмандыктын жана сабырдуулуктун тирүү мисалы.

Аксы райондук администрациясы менен Кербен шаарынын мэриясы биргеликте карыларыбызга арналган майрамдык концерт жана чай-дасторкон уюштурушту.

Иш-чарада Аксы районунун акими Максат Саргазаков, Кербен шаарынын мэри Жаныш Раимжанов, шаардык кеңештин төрагасы Азамат Базарбаев куттуктоо сөздөрүн сүйлөштү

Бүгүнкү күндө Кербен шаар аймагында: 80 жаштан жогорку – 200гө жакын карыя

100 жаштан ашкан – 1 ардактуу аксакал жашайт.

Бул күн – карыларыбызга ыраазычылык билдирип, жылуу сөз, мээрим тартуулоо мүмкүнчүлүгү. Алардын ар бирине келген коноктор бекем ден соолук, бейпил өмүр каалашты.