3 Бардыгы /

«Салык сервис» мамлекеттик агенттиги карызды кечүү боюнча жаңы демилгенин алкагында Кыргызстанда кимдердин салык карызы жоюларын түшүндүрдү.

Карызды автоматтык түрдө эсептен чыгаруу

2022-жылдын 1-январына чейин чегерилген бардык салык карыздары, соттун чечимдери чыгарылган болсо да, автоматтык түрдө жокко чыгарылат.

Мындан тышкары, 2025-жылга чейинки мезгилдеги транспорттук салык боюнча карыздар да, эгерде соттук териштирүү башталбаса жоюлат.

Ким кайрылышы керек?

Салык төлөөчүлөрдүн айрым категориялары жергиликтүү салык органдарына кайрылышы керек:

Чакан жана орто бизнестин субъекттери, ошондой эле айыл чарба продукциясын (малдан башкасы) сатуучу жеке жактарда товарга баштапкы документтери жок болсо, киреше салыгы боюнча карыздарын эсептен чыгара алышат.

I жана II топтогу майыптардын 2024-жылдын 1-январына чейинки бардык карыздары арыз бергенде кечилет.

Мүмкүнчүлүгү чектелген уюмдар үчүн (майыптар менен иштеген) 2025-жылдын июлуна чейин чегерилген мүлк салыгы белгиленген шарттарды эске алуу менен алынып салынат.

Дыйкандар жана айыл чарба кайра иштетүүчүлөр үчүн

Эгерде суу коммерциялык максатта пайдаланылса, фермерлер жана айыл чарба продукциясын кайра иштетүүчүлөр жер астындагы сууларды пайдалануу боюнча бонустук карыздардан бошотулат.

Мал экспорттоочулар калган 20%ын өздөрү төлөшсө, мамлекет карыздын 80% жана бардык айыптарды кечирет.

Эл аралык уюмдардын кызматкерлерин бошотуу

Дипломатиялык өкүлчүлүктөрдөн, консулдуктардан жана эл аралык уюмдардан киреше алган жарандар киреше салыгын төлөөдөн толук бошотулат.

50 000 сомго чейинки карызы бардар чет өлкөгө чыкса болот

2025-жылдын 5-августунан тарта жарандардын карызы 50 миң сомдон ашпаса, чет өлкөгө чыгууга уруксат берүүчү жобо күчүнө кирди. Бирок буга чейин сот аткаруучулар тарабынан карыз деп саналгандарга чектөөлөр сакталууда.

«Салык сервис» ишканасы бул чара карыздын жүгүн азайтуу жана акыркы жылдары экономикалык кыйынчылыктан жапа чеккен жарандарды жана ишкерлерди колдоо максатында жасалып жатканын баса белгиледи.

WWW.