24 Бардыгы /

Бүгүн, 3-декабрь — Ден соолугунун мүмкүнчүлүгү чектелген адамдардын бүткүл дүйнөлүк күнүнө карата Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев Манас шаарында жайгашкан Балдардын психоневрологиялык социалдык-стационардык мекемесине барды.

Облус башчысы Тилек Текебаев мекемеде тарбияланып жаткан балдардын абалынан кабар алып, аларга жылуу каалоо-тилектерин билдирди. Өкүл мүмкүнчүлүгү чектелген балдардын коопсуз жана ыңгайлуу шартта жашоосу үчүн бардык зарыл чаралар көрүлүп жатканын белгилеп, ар дайым мамлекеттин камкордугу алдында экенин кошумчалады. Мындан тышкары, резервдик фондунан бөлүнгөн 50 миң сом акча каражатын тапшырды.

Иш-чарага Манас шаарынын мэри Эрнисбек Ормоков жана облустук мекеме-ишканалардын жетекчилери катышты. Белгилей кетсек, Жалал-Абад облусунда жалпы 53 566 майыптыгы бар адамдар бар. Быйыл 3-декабрга карата ыйгарым укуктуу өкүлдүн резервдик фондунан жалпы 120 миң сом акча каражаты бөлүнүп, облус аймагындагы социалдык-стационардык мекемелерге колдоо көрсөтүлдү.