3 Бардыгы /

Президент Садыр Жапаров диний ишмер жана агартуучу Чубак ажы Жалиловго көзү өткөндөн кийин Кыргыз Республикасынын Баатыры ардактуу наамын ыйгарууну сунуштады.

Бул тууралуу өлкө башчысы Дин иштери жана этностор аралык мамилелер боюнча улуттук агенттиктин төрагасын Талантбек Ташибеков кабыл алганда айтылды.
Талантбек Ташибеков уюмдун түзүлгөндүгүнүн 30 жылдыгына карата юбилейлик иш-чараларды өткөрүү пландары жөнүндө маалымдап, буга байланыштуу Мамлекет башчысынан эмгек сиңирген дин ишмерлерин мамлекеттик сыйлыктар менен сыйлоо маселесин кароону өтүндү.

Президент бул маселе боюнча макулдугун билдирди, ошондой эле диний ишмер жана агартуучу Чубак ажы Жалиловго көзү өткөндөн кийин «Кыргыз Республикасынын баатыры» деген ардактуу наамын ыйгаруу мүмкүнчүлүгүн карап чыгууну сунуштады.