45 Бардыгы /

Бүгүн, 5-февралда №13 шайлоо округунда Жогорку Кеңештин депутаттыгына катталган талапкерлерди шайлоо бюллетенине киргизүү кезектүүлүгүн аныктоо боюнча чүчү кулак өткөрүлдү.

Борбордук шайлоо комиссиясынан билдиришкендей, ошондой эле мамлекеттик телерадио уюмдарынын каналдарында талапкерлерге акысыз эфир убактысын жана мамлекеттик басылмаларда басма аянтын бөлүштүрүү боюнча дагы чүчү кулак өткөрүлдү.

Талапкерлер 2026-жылдын 1-мартына дайындалган Жогорку Кеңештин депутаттарын кайра шайлоого катышуу үчүн меморандумга кол коюшту.

Чүчү кулакка талапкерлер, катталган талапкерлердин ыйгарым укуктуу өкүлдөрү, массалык маалымат каражаттарынын өкүлдөрү жана коомдук байкоочулар катышты.

Катталган талапкерлердин ортосунда шайлоо бюллетендерине киргизүүнүн кезектүүлүгүн аныктоо боюнча чүчүкулак каттоо мөөнөтү бүткөндөн кийин жана шайлоо бюллетенинин тексти бекитилгенге чейин жүргүзүлөт.

Чүчүкулактын жыйынтыгы менен шайлоо бюллетенинде талапкерлердин жайгашуу ирети түзүлдү.

WWW.