3 Бардыгы /

Жалал-Абад облусунда Жарандык коргонуу абалына баа берүү боюнча жыйын өттү. Ага Кыргыз Республикасынын Президентинин Жалал-Абад облусундагы ыйгарым укуктуу өкүлү, облустук Жарандык коргонуу башчысы Тилек Текебаев, Кыргыз Республикасынын Өзгөчө кырдаалдар министринин орун басары Искендер Сулайманов, ошондой эле облустук, шаардык жана райондук Жарандык коргонуу башчылары катышты.

Иш-чара Кыргыз Республикасынын Президентинин 2026-жылдын 29-январындагы №20 Жарлыгы менен бекитилген Жарандык коргонуунун 2026-жылга карата даярдык планына ылайык уюштурулган.

Үч күнгө созула турган баалоо иш-чарасынын жүрүшүндө облус аймагындагы Жарандык коргонуу системасынын даярдык деңгээли текшерилет.

Жыйында облус башчысы Тилек Текебаев бул багыттагы даярдык маселеси ар дайым өзгөчө көзөмөлдө болушу керектигин белгилеп, бардык тиешелүү кызматтардын координациясын күчөтүү зарылдыгын айтты.

Белгилеп кетсек, облус аймагында буга чейин жер көчкү, кар көчкү, сел жана суу ташкындары сыяктуу өзгөчө кырдаалдар катталып, алардын алдын алуу жана кесепеттерин жоюу иштери жүргүзүлүп келет.