36 Бардыгы /

Бүгүн, 4-июнунда Кыргыз Республикасынын Башкы прокуратурасы тарабынан БУУнун Өнүктүрүү программасы (ПРООН) менен биргеликте АКШ Элчилигинин INL программасынын колдоосунда уюштурулган мамлекеттик жана жергиликтүү өз алдынча башкаруу органдарындагы коррупцияга каршы комплаенс боюнча Антикоррупциялык мектеп ишин жыйынтыктады.

КРнын Башкы прокуратурасынын маалымат кызматы билдиргендей,үч айдын ичинде Башкы прокуратуранын, мамлекеттик жана жергиликтүү өз алдынча башкаруу органдарынын коррупциянын алдын алуумаселелери боюнча ыйгарым укуктуу өкүлдөрү коррупцияга каршы комплаенс, коррупциялык тобокелдиктерди башкаруу, кызыкчылыктардын кагылышуусун жөнгө салуу жана чынчылдык механизмдерин киргизүү боюнча окуудан өтүштү.

Тренингдин алкагында катышуучулар тарабынан коррупцияга каршы пландар, коррупциялык тобокелдиктерди башкаруу программалары, ошондой эле чынчылдык системасын киргизүү жана өнүктүрүү боюнча жол карталары иштелип чыгып, сунушталды.

Окутуунун жыйынтыктары мамлекеттик органдарга коррупциянын алдын алуу механизмдерин өркүндөтүүгө жана коррупциялык тобокелдиктерди башкаруунун натыйжалуулугун жогорулатууга жардам бермекчи.

Жыйынтыктоо аземинде Кыргыз Республикасынын Башкы прокурорунун орун басары Залкар Акназаров коррупциянын алдын алууга жооптуу кызматкерлердин кесиптик потенциалын мындан ары да бекемдөөнүн маанилүүлүгүн белгиледи.

Окутуунун жыйынтыгында катышуучуларга сертификаттар тапшырылды.