2,495 Бардыгы /

         БАТКЕН. “Бириккен Улуттар Уюмунун Дүйнөлүк Азык-Түлүк Программасынын 2018-2022-жылдарга карата Кыргыз Республикасындагы Өлкөлүк стратегиялыкпланын” жүзөгө ашырууда 2018-жыл ичинде Баткен облусунда аткарылган иштерин жыйынтыктаган жыйынөт көрүлдү.  

Бул чогулушка Кыргыз Республикасынын Өкмөтүнүн Баткен облусундагы ыйгарым укуктуу өкүлү Абиш Халмурзаев, Эмге жана социалдык өнүгүү министринин орун басары Камалдин Токтосартов, Бириккен Улуттар Уюмунун Дүйнөлүк Азык-Түлүк Программасынын өкүлү Сүйүнбек Айдаров жана жергиликтүү бийлик өкүлдөрү катышты. Аталган долбоор коомдук коргоо системасын, азык-түлүк коопсуздугун жакшыртуу, мектеп тамак-ашын  оптималдаштыруу, климаттын өзгөрүшүнө жана өзгөчө кырдаалдарга карата калктын ылайыкташуусу, ошондой эле бул багыттар боюнча мамлекеттик мекемелердин дараметин жогорулатуу дагы маселелерди чечүүгө гана багытталган.

Баткен облусунда ушул тапта мектептамак-ашын оптималдаштыруу боюнча долбоордун негизинде алты мектепке заманбап жабдуулар орнотулуп, башталгыч класстардын окуучуларына ысык тамак берүү толук камсыздалган. Бириккен Улуттар Уюмунун Дүйнөлүк Азык-Түлүк Программасытарабынан 32 тоннабайытылганун дагы берилген. Жалпысынан бул долбоорго Баткен облусу боюнча 53 мектеп  киргизилген.

Коомдук-экономикалык абалды жакшыртуу жана тажрыйбасын жана билимин жогорулатуу менен аз камсыз болгон үй-бүлөлөргө чакан масштабдагы өндүрүүчүлөрдүн дараметин күчөтүү үчүн аз камсыз болгон үй-бүлөлөргө активдүү коомдук колдоо иш-чараларды колдоо  максатында дагы бир катар долбоорлор туруктуу иштепжатат.

Жыйындын жүрүшүндө долбоорлорду ишке ашыруудагы кыйынчылыктар, алардан арылуунун жолдору, аймактарды өнүктүрүүдө жана кызматташууну артырууда мүмкүнчүлүктөрдү кеңейтүү боюнча дагы кызуу талкуу жүрүдү. Соңунда 3 райондук, 1 шаардык эмгек жана социалдык өнүгүү башкармалыктарындагы долбоордук комиссияларга жана 5 пилоттук айыл өкмөттөргө кеңселик компьютер жабдуулары  тапшырылды.

Алишер ТОКСОНБАЕВ, өз кабарчы