3,279 Бардыгы /

ЖАЛАЛ-АБАД. Бүгүн, 5-мартта Чаткал районунун борбору Каныш-Кыя айылында “Ак калпак” күнү салтанаттуу белгиленди. Бул тууралуу райондун кабарчысы Мухамедалы Эшназаров билдирди.
Маалыматка ылайык, иш -чара алгач улуттук кийимдерди кийинип, ураандарды көтөргөн мекеме кызматкерлери жана мектеп окуучулары катышкан жүрүш менен С. Байдөөлөтов орто мектебинин тушунан башталып, райондук мамлекеттик администрациясынын алдына чейин улантылды.
Анда майрамдык маарекеге карата салтанаттуу жыйын болуп, Чаткал районунун акими Канжарбек Эшалиев баштаган жетекчилер куттуктоо сөздөрүн айтышты.
Жыйында райондук музыкалык мектептин окуучулары тарабынан бийлер тартууланды.
Салтанаттын жүрүшү  Жалал-Абад облустук телерадио компаниясы тарабынан да тасмага тартылды.

«Аймак»