1,746 Бардыгы /

ЖАЛАЛ-АБАД. Өкмөттүн буйругу менен Досбаев Ыманберди Райымбердиевич Кыргыз Республикасынын Жалал-Абад облусунун Аксы районунун мамлекеттик администрация башчысы – акими болуп дайындалды.

Бүгүн, 12-мартта  КР Өкмөтүнүн Жалал-Абад областындагы ыйгарым укуктуу өкүлү Кыянбек Сатыбалдиев келип, Аксыда актив болуп, өкмөттүн чечимине ылайык  1962 –жылы туулган Чаткал районунун Ак-Таш айылынын тургуну  учурда Президенттин аппаратынын социалдык саясат бөлүмүндө эксперт бөлүмүнүн башчысынын орун басары болуп иштеп келген Досбаев Ыманберди Райымбердиевич Аксыга аким болгондугу менен тааныштырды. Аксылыктар жаңы акимди жылуу кабыл алышты. Мурдагы аким Масалбек Мырзамамытов чыгып сүйлөп, жаңы акимге иштеринде ийгиликтерди каалады. Кербен шаардык кеңешинин  депутаты Эргешалы Озокеев, учурда акимдин биринчи орун басары болуп иштеп жаткан Талантбек Эмилбек уулу каалоо тилектерин айтышты. Ыйгарым укуктуу өкүл Кыянбек Сатыбалдиев куттуктап, иштерине ийгилик каалады. Жаңы аким жылуу кабыл алгандыктарына ыраазылык билдирип сөз сүйлөдү. Жаңы акимди иш ордуна олтургузуп, ак баталарын беришти.

Абдымомун Калбаев, Аксы району