1,354 Бардыгы /

Кыргызстанда 1-июнда «Эл аралык балдарды коргоо күнү» белгиленген. Бул датаны утурлай колдоого муктаж балдарга кѳмѳк кѳрсѳтүү максатында милиция тарабынан жер-жерлерде белектер тапшырылган.

Буга чейин Ноокен районунда жайгашкан Ж.Ниязов атындагы атайын жалпы билим берүүчү (кѳмѳкчү) жатак мектеби менен сүйлѳшүү жүргүзүлгѳн. Анда балдар үйүнѳ зарыл болгон эмеректер жѳнүндѳ сѳз жүргѳн. Буга байланыштуу Жалал-Абад ОИИБ тарабынан аларга керектүү болгон буюм-тайымдар сатылып алынып, 1-июнда жетекчиликтин катышуусунда тапшырылды.

Жерине барып, белектерди тапшырып жатып Жалал-Абад ОИИБнин начальниги, милициянын полковниги Кылычбек Жолдошов сѳз сүйлѳп, жаш балдарды майрамы менен куттуктады. Аларга бактылуу балалык, кең келечек каалаган жетекчи мындан ары да бул сыяктуу кѳрүнүштѳр милиция тарабынан улантыла бере турганын белгиледи.

Балдар үйүнүн директору эмеректер тарбиялануучуларга эң керектүү буюмдар экендигин айтып, кѳмѳк кѳрсѳткѳндѳргѳ ыраазычылык билдирди.

 Жалал-Абад ОИИБнин басма сѳз кызматы