1,644 Бардыгы /

ЖАЛАЛ-АБАД. Кечээ, Ала-Бука районунда 2020-жылдын 25-мартында COVID-19 илдетин алдын алуу боюнча райондук штаб өткөрүлдү жана тиешелүү кызматтарга тапшырмалар берилди.

Райондун аймагындагы ар бир айылдык аймактарда ыктыярдуу топтор түзүлүп, оорунун алдын алуу боюнча (дезинфекциялоо, жергиликтүү тургундарды үйлөрүнөн чыкпоо боюнча түшүндүрүү иштери) медицина кызматкерлерине көмөктөшүүдө. Райондогу кооптуу деп эсептелген участоктордо блок посттор орнотулуп көзөмөлгө алынды. Жалпы район боюнча 530 обьектиде дезинфекциялык жумуштар аткарылды, райондук санитардык эпидемиологиялык көзөмөлдөө борбору тарабынан 166, анын ичинен айылдык аймактардагы ыкчам ыктыярчылар тобу тарабынан 364 обьекте.

Райондук өзгөчө кырдаалдар бөлүмүнүн өрт өчүрүүчү машинасы менен Ак-Там айылдык аймагынын борбордук жана ички көчөлөрүндө дезинфекциялык жумуштар аткарылды. Үй-бүлөлүк дарыгерлер борборуна 1 тонна гипохлорид кальций дезинфекциялык каражаттар алынып келинди. Ала-Бука айылдык аймагынын жаштарынын демилгеси менен 40 аз камсыз болгон үй-бүлөлөргө ун жана азык- түлүктөр таркатылды.

Абдымомун КАЛБАЕВ, Ала-Бука району