Жаңы вирус жуккан 14 адамдын ону – аял, калган төртөө – эркек. Эң кичүүсү бирде, эң улуусу 68 жашта.

Алардын бешөө – Сауд Арабиясына кичи ажылыкка барып келгендер, тогузу – мурда катталгандар менен контакт болгондор.

Ошентип, 27-мартка карата илдет жуккандардын саны 58 болду.

18-марттан 26-мартка чейин Кыргызстанда коронавирус жуктурган 44 адамдын алтоо реанимацияда экени айтылган. Бүгүн алардын бешөө жалпы палатага которулганы маалым болду.

Айнура Акматованын айтымында, жалпы палатага которулган беш адамдын арасында жандандыруу бөлүмүнө оор абалда биринчи түшкөн 71 жаштагы бейтап да бар.

Ал эми алтынчы бейтап дагы эле реанимация бөлүмүндө. Ал – Жалал-Абал облустук ооруканасында.

Акматова алты бейтаптын бирине да жасалма дем алдыруучу аппарат колдонулбагандыгын кошумчалады.

WWW.