1,751 Бардыгы /

ЖАЛАЛ-АБАД. Кечээ, 13-апрель күнү Жогорку Кеңештин “Кыргызстан” фракциясынын депутаты Алмазбек Эргешов Аксы аймактык ооруканасында өз өмүрлөрүн аябай иштеп жаткан  медициналык кызматкерине акча каражатынан жардам көрсөттү.

Жогорку Кеңештин “Кыргызстан” фракциясынан депутат Алмазбек Эргешов өлкөбүздө өзгөчө кырдаалдар жарыялангандан баштап эл журтуна тынымсыз келип колдон келген бардык жардамдарын көрсөтүп, элдин жеңилин жерден, оорун колдон алууда. Аксы аймактык ооруканасынын таажы виурсун жуктуруп алган деген шектүүлөрдү дарылоо бөлүмүндө өз өмүрлөрүн аябай иштеп жаткан  райондун 10 медициналык кызматкерине 50 миң сом акча каражатын алып келип тапшырып, алардын каарман иштерине ыраазычылык билдирди. Ошону менен бирге эле таажы вирусунун алдын алууда атайын посттордо иштеп жаткан медицина кызматкерлерине, ички иштер кызматкерлерине жана өз демилгелүү жардам берип иштеп жаткандарга 149 атайын кийимдерди алып келип берди.

Ошол эле учурда  райондун Кара-Суу айыл аймагынан жеке ишкер, райондун бир дагы коомдук иштеринен четте калбай катышып, ондогон долбоорлорду ишке ашырып райондун экономикасынын өнүгүшүнө ат көтөргүз салымын кошуп келе жаткан Бурулкан Эргешова  медицина кызматкерлерине 20 литр спирт, 20 килограмм хлор, 100 даана бет каптарды алып келип тапшырды. Бир туугандардын мындай жардамына райондун эли терең ыраазычылыгын айтып, аксакалдар ак баталарын беришти.  Депутат Алмазбек Эргешов бул жардам акыркысы эмес экендигин айтып,  дагы жардамдарын бере тургандыгын билдирди.

Абдымомун КАЛБАЕВ, Аксы району