989 Бардыгы /

ЖАЛАЛ-АБАД. Буга чейин Жалал-Абад шаарындагы 3 миң 131 үй-бүлөгө азык-түлүк жардамдары жеткирилди. Мында жарандардын  шаарда каттоосу бар-жогуна карабастан, калаа аймагында жашап жаткан муктаж жарандарга көмөк көрсөтүлдү. Бул тууралуу Жалал-Абад шаарынын мэри Мураталы Тагаев билдирди.

Анын айтымында, бүгүн да калаадагы 350 үй-бүлөгө жардам берилди. Түзүлгөн кырдаал башталгандан тарта аз камсыз болгон үй-бүлөлөрдө азык-түлүккө болгон муктаждыктар жаралган. Бул багыттагы көйгөйлөрдү чечүүдө жергиликтүү бийлик тарабынан да бир топ иш аракеттер колго алынган.

“Буга чейин матрезервден бөлүнгөн, жеке демөөрчүлөр жана жергиликтүү бийлик тарабынан жалпы 3 миңден ашуу үй-бүлөгө жардам берилди. Мындагы азык-түлүктөрдү чыныгы муктаж жарандарга жеткиликтүүлүгүн камсыздоо максатында, аны жеке көзөмөлүмө алгам. Азыр да бизге жашоочулардан 2 миңден ашуун кайрылуу келип түштү. Түзүлгөн атайын комиссиялык топ  тизмелерди тактоо иштери жүргүзүлүүдө. Шаардын аймагындагы жашоочуларда азык-түлүк жактан муктаждыктар жаралса, аймактык башкармалыктарга кайрылса болот дейт”, – М. Тагаев.

Белгилей кетсек, буга чейин Жалал-Абад шаарында жалпы 2 миллион 583 миң сомдук азы-түлүк жардамдары таратылды.