1,019 Бардыгы /

ЖАЛАЛ-АБАД. Жалал-Абадда милиция кызматкерлери кош бойлуу келинди төрөт үйүнө жеткиришкен. Бул тууралуу шаардык мэриянын маалымат борбору билдирди.

Маалыматка ылайык, Жалал-Абад шаарындагы ички көчөлөрдүн биринде жашаган жаш келиндин толгоосу 12-апрелге караган түнү түнкү саат бирлер чамасында башталган.

Тез жардам кызматы чакырылганы менен кырдаалга байланыштуу ички жолдор да тосулгандыктан, атайын кызматтын унаасы айтылган дарекке жете алган эмес. Азыркы тапта коменданттык саат режими иштеп жаткандыктан аймакта коомдук жана  жеке транспорттордун жүрүүсүнө чектөө киргизилген. Мындан улам келиндин кайын атасы Спутник аймактык милиция бөлүмүнүн башчысына телефон чалган.

Толгоосу башталып калган келинди милиция бөлүмүнүн башчысы Садырбек Жумашев шаардык төрөт үйүнө жеткирген. Келин төрөт үйүнө жеткирилген соң көз жарып, уул төрөгөн. Учурда эне-баланын абалы жакшы.

 Алгачкы неберелүү болгон Хасанбай Албеков көрсөткөн жардамы үчүн милиция кызматкерлерине ыраазычылык билдирди.