1,478 Бардыгы /

ЖАЛАЛ-АБАД. Бүгүн, 17-апрелде Жалал-Абад областтык клиникалык ооруканасынын инфекция бөлүмүнөн коронавирус илдетине кабылып, дарылануудан соң айыккан 14 бейтап үйлөрүнө  чыгарылды. Бул тууралуу шаардык мэриянын маалымат кызматы маалымдады.

Маалыматка ылайык, алардан 13ү Сузак районунун, ал эми бир оорулуу шаар тургуну. Мындагылардын  9у аталган дарт аныкталгандар. Акыркы алынган анализдерге ылайык алардын ден соолугунун абалы жакшырган. Арасында 1 жашка чыга элек наристе, 5 жана 10 жаштагы балдар да бар. Азыркы учурда жугуштуу ооруулар бөлүмүндө 1 гана оорулуу калып, дарыгерлер тарабынан анын абалы орточо оордукта экени айтылды.

Белгилей кетсек, буга чейин 16-марттан тарта областтык клиникалык ооруканасына коронавирус илдетине кабылган 52 оорулуу дарыланууга алынса, бүгүнкү күндө  алардан 41и айыгып үйлөрүнө жиберилди. Бөлүмдө иштеген 22 медицина кызматкери апсервацияга алынып, азыркы учурда 19 дарыгер эмгектенүүдө.