Аймак

ЖАМААТТЫ АКЫЙКАТ БОЛУУГА ЧАКЫРАМ

ЖАМААТТЫ  АКЫЙКАТ БОЛУУГА ЧАКЫРАМ

 1,632 Бардыгы /

Ала-Бука аймактык ооруканасынын иши эми оңолуп  мурдагы жетекчиси Осмоналиев Жыргалбек Мутушович жамаатын ишин жандандырып, эмгектик шарттарды түзүп, жаштардын тилин таап ишке тартып, кийин ал ишти алдыга жылдырып, алгылыктуу аракеттери менен оозго алынып келе жаткан Алыбаеванын ишин так талдабай туруп эле  жаңы келген министр кызматтар четтетип  салгандан кийин оорукананын жамааты иш таштоого барабыз деп калганда райондун акими жамаат менен сүйлөшүп, азыркыдай эл башына иш түшүп турганда иш таштоого болбой тургандыгын туура түшүндүрүп сүйлөшкөндө кайрадан иш башталып, ал эми жетекчинин ак карасы териштириле баштаганда кыязы бийликке келүү кумары кармагандар барбы, кыскасы ич куптулук оору башталып, таажы виурусу жабышты дегендерди атайын көзөмөлгө алып, айыгып чыккандан кийин бизге көңүл бурулбады деп мурдагы жетекчилердин баарын кетириш керек, келген комиссияга кой союп берди деген куру дооматтарды коюп чыга башташты. Түзүлгөн шарттар  тууралуу бизде далилдүү маалыматтар бар эле. “Ала-Бука   аймыктык  ооруканасынын     обсервацияда   жаткан    медицина  кызматкерлеринин   соц  тармактарга  берген  маалыматтары  чындыка   дал   келбейт” деп райондун жетекчилери да билдиришти.

 “Жугуштуу  оорулар  бөлүмүндөгү  шарттар  көрсөтүлгөн  видео   тасма  жана  сүрөттөр менен  тастыкталат.

Нааразы   болгон  медицина  кызматкерлер  госпиталда  иштегени   анык  жана   ушул   күнгө   чейин  жети  бригаданын  ичинен  видео  тасманы   чыгарган   медицина   кызматкерлери  гана  өз   нааразычылыктарын  билдиришуудө.

 Бирок  бул  жаман  илдет  менен  күрөшүүдө аймактык   оорукананын атайын  коргонуучу  (СИЗ)   кийимдердин   запасы  бар  экендиги     ММК   фондуна   күн  сайын  бергендигибиз     каттарда   тастыкталган.

Нааразы болгон кызматкерлер сурөттө көрсөтүлгөн жайда иштеген жана учурда  жаман илдет аныкталгандыктан   дарыланууда.   Учурда борбордон келген дарыгерлер жана биздин кызматкерлер алардын жакшы болуп кетиши учун  тажрыйбасына таянуу менен иш алып барууда.    Бугунку кундө бизге келип тушкон  бейтаптардын көбү үйлөрүнө чыгарылды”  Деген далилдүү маалыматтар жетекчилер тарабынан айтылууда. Андыктан  кырдаал күчөп турганда  бири-бирибизди колдойлу. Үйдө олтуруп, жаман илдеттен алыс бололу.   Сиздердин ар бир жакшы пикириңиздер ак халатчандарга  дем күч болорун унутпаңыздар! Урматтуу медицина кызматкерлери сиздерге жалпы эл таазим кылып урматтап турганда сиздер араздашып арызданышпай ынтымакка келсеңиздер эл журттун кадырлоосунда болосуздар деген эле тилек. Райондук администрациясы, анын жетекчиси Эмилбек Ысакулович бардык камкордуктарды көрүп жатканына өзүңүздөр күбө болуп олтурасыздар.  Жеке ишкерлер, Жогорку Кеңештин депутаттары көргөн камкордук, мындай шарт союздун учурунда да болбогон. Мен кимдир бирөөнү күнөөлөөдөн алысмын. Ошондуктан сөзүмдүн акырында ынтымакка келгиле-ынтымак бар жерде ырыс бар деген журналисттик калыс сөзүмдү айтмакчымын. Ал эми сүрөттөр менин сөзүмдү тастыктайт деп ойлоймун.

Абдымомун КАЛБАЕВ, журналист,  Ала-Бука району

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17