1,075 Бардыгы /

ЖАЛАЛ-АБАД.  Ушул жылдын 16- апрель күнү Аксы районунун эли үчүн эң чоң жардам келип түштү.

Аксы эли байыртадан эле эр азамат уулу кыздары менен даңкы чыгып келген эл. Мына ошондой асыл уул- кыздары учурда да элдин жеңилин жерден, оорун колдон алып келишет. Алардын бири жеке ишкер Каныбек Туманбаев акыркы беш алты жылдан бери  деги эле Аксыда болбогон, бүтпөгөн иштерди бүткөрүп келет. Алардын бир нечесин атап кетсек, Каныбектин колдоосу менен Кара-Суу айыл аймагында таза суу маселеси толук чечилди. Кербен шаарында балдар бакчалары, спорттук залдар курулуп пайдаланууга берилди жана курулуп жатат. Андан сырткары Авлетим айыл аймагында спорт зал, орто мектеп, ал эми Жаңы Жол айыл аймагында балдар бакчасы, Кара Жыгач айыл аймагында спорт зал курулуп пайдаланууга берилген. Мындай иштерди санай берсек арбын. Таажывирусу эл аралап кеткенден бери да миңдеген бет каптарды, атайын кийимдерди, он тоннадан ашык ун жана башка жардамдарды берип келген.Өткөн жумада Каныбек Туманбаев  150 тонна (3000 миң кап) ун, 6 тонна  тамак жасоочу май алып келип элине тапшырып кетти. Райондук штабда айыл аймагынын башчыларынын катышуусунда чакан жыйын болуп, мындай айтып бүткүс жардамы үчүн райондун акими Ырайымберди Досбаев  ыраазычылык билдирип элдин атынан чоң рахмат айтты. Ошондой эле райондун экс акими Масалбек Мырзамамытов, акын жазуучу Абдымомун Калбаев, Кербен шаарынын мэри Нарматалы Эсеналиев сөз сүйлөп ыраазылыктарын билдирип алкоо сөздөрүн айтышты. Жыйындан кийин сыртка чыгып райондун жетекчилеринин, айыл аксакалдарынын катышуусунда айылдарга болуп беришти. Аксы районунун имамы жалпы Аксы элинин атынан бата берип жакшылыктарды каалап Каныбек Туманбаевге узун өмүр, чың ден соолук,иштерине ийгилик каалашты.

Райондук штабдын башчысы, акимдин орун басары Дамира Абдылдаева бул бөлүнгөн ун муктаж адамдарга даректүү жеткирилерин билдирди жана өз ыраазычылыктарын айтып өттү. Аксы элинин азамат уулу кыздары Алмазбек Эргешов, Рада Туманбева жана Бишкек шаарында жана чет өлкөлөрдө жашап жаткан уул -кыздарына ак баталарын ыроолоп жатышкан учуру. Бар болгула элдин тиреги, ишеничи болгон азаматтар.

Абдымомун КАЛБАЕВ, журналист, Аксы району