2,227 Бардыгы /

ЖАЛАЛ-АБАД. Аксы аймактык ооруканасына республикадагы  Кытай ишкерлери менен иштешип келе жаткан Абусахи компаниясынын өкүлү Нурбек Керимбеков жетектеген элибиздин чыгаан уулдары чоң жардам алып келди.

Республикадагы  Кытай ишкерлери менен иштешип келе жаткан Абусахи компаниясынын өкүлү Нурбек Керимбеков жетектеген элибиздин чыгаан уулдары медицина тармагына чоң жардам алып келди. Чындыгында Аксы аймактык ооруканасынын жамааты, үй -бүлөлүк дарыгерлер борбору абдан муктаж болуп келген. Максат республиканын аймагын таажы вирусунан тезирээк тазалап элибизди эсен -аман жай турмушка алып келүү. Бул жардамдын курамында  50 даана жылып жүрүүчү дөңгөлөктүү керебеттер, 50 калың төшөк (матрас), 50 даана тумпочка (кичине сандыкча)  50 даана атайын кийимдер, 1000 даана кол кап, 10 миң даана бет кап, 30 даана тепловизор, 2 даана дизинфекция кылуучу аппарат, 5000 даана тест жана бир даана ИВЛ аппараты алынып келинип медицина кызматкерлерине тапшырылды. Мындай чоң жардамы үчүн райондун акими Ыманберди Досбаев ыраазычылык билдирип, рахматын айтты. Дарыгерлер да терең ыраазычылык билдирди. Эми райондун медицина кызматкерлерине мыкты шарттар жаратылды.  Келген жардамдар таажы вирусунун алдын алууда иштеп жаткан айылдык ооруканаларга, үй- бүлөлүк дарыгерлер топторуна бөлүнүп берилди. Акырында аталган компаниянын жамаатына жалпы элдин ак батасы берилди.

Абдымомун КАЛБАЕВ, Аксы району