917 Бардыгы /

Самаркандда муктаж үй-бүлөлөргө арзан сатылышы керек болгон ундун ар бир кабына 15 миң сумдан (1,5 доллар) кошуп саткан маале башчысы 15 суткага камалды. Бул тууралуу жергиликтүү басылмалар кабарлашты.

Маалыматка караганда, 18-апрелде Самарканд облусунун Ургут районундагы «Юкори Кайрокли» маалесинин төрагасы муктаж үй-бүлөлөргө бир кабы 145 миң сумдан (14,2 доллар) сатылышы керек болгон 48 мүшөк ундун ар бирин 160 миң сумдан (15,6 доллар) саткан.

Сотто маале башчысы унду 15 миң сумга (1,5 доллар) кымбат сатканын, учурдан пайдаланып кошумча акча таап алууну көздөгөнүн мойнуна алды.

Ургут райондук соту маале төрагасын «Мыйзамсыз ишкердик менен алектенүү» жана «Улуттук гвардия кызматкерлеринин мыйзамдуу талаптарына баш ийбөө» беренелери боюнча күнөөлүү деп таап, 15 күнгө камакка алуу өкүмүн чыгарды. Мындан тышкары ал 1 115 000 сум (109 доллар) өлчөмүндө айып пул төлөөгө милдеттендирилди.

WWW.