2,306 Бардыгы /

ЖАЛАЛ-АБАД. Кечээ, 22-апрель күнү Жалал-Абад шаарынын мэри Мураталы Тагаев калаадагы Улуу Ата Мекендик согуштун катышуучуларына президент Сооронбай Жээнбековдун куттуктоосун жеткирип, ар бир ардагерге республикалык бюджеттен бөлүнгөн акча каражатын тапшырды.

Жалал-Абад шаарынын жергиликтүү бюджеттин эсебинен андан тышкары бир мүшөктөн жана башка азыктар берилди.

“9-Май Жеңиш күнүн утурлай республикалык бюджеттен ар бир ардагерге 75400 сомдон акча каражаты каралып, аны бүгүн жергиликтүү бийлик тапшырдык. Ошондой эле жергиликтүү бюджеттин эсебинен бир мүшөктөн ун жана башка жана башка азык-түлүктөр берилди. Эң негизгиси ушул инсандарыбыз узак жашасын деп тилейбиз. Анткени жылдан-жылга ардагерлерибиздин саны азайгандан азайып баратат. Эң жашы 90 жашты камтып олтурат экен. Быйылкы жылга бир топ иш-чараларыбыз бекитилип калган эле. Анын катарында Жеңиш күнүн салтанаттуу белгилөө аземи да бар болчу. Коронавирус илдетине байланыштуу бүгүнкү күндө баары убактылуу токтотулуп турат. Орусияда да бул күндү белгилөө жылдырылганы маалым. Биз да 9-Майды белгилейбизби жокпу аны илдеттин жагдайына карап коробуз. Анткени улуттун ден соолугу майрамдан жогору турат”, – деди шаар мэри Мураталы Тагаев.

Эскерте кетсек, Жалал-Абад шаарында Улуу Ата Мекендик согуштун 2 ардагери, 1 концлагердин туткуну жана 2 ооруктун ардагери жашайт.

Бубусара ОРОЗАЛИЕВА, “Аймак”