1,736 Бардыгы /

Кыргызстандык 349 жаран 24-апрелде Түркиядан Бишкекке чартердик каттам менен келди. Бул тууралуу Тышкы иштер министрлиги кабарлады.

Мекеменин маалыматына караганда, алар баары авиакаттам токтогондон бери учак күтүп жаткан кыргыз жарандары.

“Түрк аба жолдору” авиакомпаниясынын учагы “Манас” аэропортуна түштө учуп келди.

Бишкек мэриясы жүргүнчүлөрдүн саны 351 адам, алардын үчөө балдар экенин билдирди.

Учуп келгендер борбор калаада үч жерде даярдалган обсервациялык жайларга жайгаштырылмай болуп жатат.

Буга чейин Түркиядан Кыргызстанга кайта албай жаткан 487 мекендештин 211и Бишкекке 17-апрелде учуп келген.

Жалпысынан өкмөт дүйнөдө коронавирус пандемиясы башталганы чек аралар жабылып калгандан кийин чет жакта калган 6 миңдей кыргыз жаранын алып келгенин, дагы 4 миңдейи мекенине кайтууга жардам сурап жатканын, алардын көбү Орусияда экенин 15-апрелде билдирген.

WWW.