1,782 Бардыгы /

ЖАЛАЛ-АБАД. Жалал-Абад шаарынын борбордук бөлүгүндөгү Нагима Айтматова көчөсүндөгү жолдун бир бөлүгү асфальтталууда. Бул тууралуу шаардык мэриянын маалымат кызматы маалымдады.

Маалыматка ылайык,Жалал-Абад шаарындагы жолду асфальттоо иштери зыркы учурда шаардык жол башкармалыгынын кызматкерлери тарабынан аткарылууда. Бүгүн мындагы аракеттерге калаа башчысы Мураталы Тагаев барып кабар алды.

Мында шаар мэри жол куруучуларга эң алгач сапатка көңүл буруу керектигин белгиледи. Аны менен бирге бул жылы автоунаа жана жөө жүргүнчүлөргө ыңгайлуулук жаратуу максатында белгиленген жумуш иштерин өз мөөнөтүндө аяктоо керектигин кошумчалады.

Белгилей кетсек, азыркы учурда Жалал-Абад шаарында жолдорго асфальт төшөө жана жамап-жасоо иштери кызуу жүрүүдө.