Аймак

РОССИЯ ФЕДЕРАЦИЯСЫНЫН КОЛДООСУ МЕНЕН БУУ ДАТП КЫРГЫЗСТАНДАГЫ АЯЛУУ ҮЙ-БҮЛӨЛӨРГӨ АЗЫК-ТҮЛҮК ЖАРДАМЫН КӨРСӨТҮҮНҮ УЛАНТУУДА

РОССИЯ ФЕДЕРАЦИЯСЫНЫН КОЛДООСУ МЕНЕН БУУ ДАТП КЫРГЫЗСТАНДАГЫ АЯЛУУ ҮЙ-БҮЛӨЛӨРГӨ АЗЫК-ТҮЛҮК ЖАРДАМЫН КӨРСӨТҮҮНҮ УЛАНТУУДА

 1,811 Бардыгы /

Май айында БУУнун Дүйнөлүк Азык-түлүк программасы (БУУ ДАТП) жана Кыргыз Республикасынын Эмгек жана социалдык өнүгүү министрлиги (ЭСӨМ) биргелешкен программа аркылуу Кыргызстандагы эң аялуу үй-бүлөлөргө азык-түлүк жардамын берүүнү улантышат. Бул тууралуу аталган долбоордун маалымат кызматы маалымдады.

Маалыматка ылайык, Россия Федерациясынын колдоосу менен Нарын, Талас, Жалал-Абад, Ош жана Баткен облустарындагы муктаж болгон үй-бүлөлөргө 1000 тоннадан ашык азык-түлүк байытылган буудай уну жана өсүмдүк майы жөнөтүлөт.

Жакырчылыктын чегинде жашаган 30000ден ашык адамдарга тамак-аштын негизги муктаждыктарын канааттандыруу үчүн үч айга жете турчу 150 кг буудай уну жана 15 литр май берилет.

БУУ ДАТП жана Кыргыз Республикасынын Эмгек жана социалдык өнүгүү министрлиги азык-түлүк жардамын Кыргыз Республикасынын Өкмөтүнүн жакырчылыктын четинде жашаган үй-бүлөлөргө колдоо көрсөтүү приоритеттерине ылайык бөлүштүрөт. Азык-түлүк жардамы биргелешкен БУУ ДАТП жана ЭСӨМ программаларынын катышуучуларына коомдук кызматтарга жумуштарды аткарганы үчүн берилет.

«БУУ ДАТП, Кыргыз Республикасынын Өкмөтүнүн азык-түлүк коопсуздугун камсыз кылуу боюнча аракеттерин колдойт, айрыкча аялуу топтор үчүн. Кризистин олуттуу социалдык-экономикалык кесепеттерине карабастан, эч ким жардамсыз калбашы үчүн, учурдагы Россия Федерациясынын каржылык колдоосу өтө маанилүү», – айтып кетти Кыргыз Республикасындагы БУУ ДАТПтын директору Андреа Баньоли.

«Коронавирустук инфекциянын жайылышы биздин жашообузда кыйынчылыктарды жаратты, бирок биздин боордош элдерибиздин ортосунда тоскоолдуктарды жарата албайт. Россия Федерациясы оор мезгилде БУУ ДАТПнын Кыргызстанда жашоо сапатын жогорулатууга жана калкты социалдык жактан коргоого багытталган долбоорлорунун каржылоосун улантууга умтулат”, – билдирди Россиянын Кыргызстандагы элчиси Н.Н. Удовиченко.

Саламаттыкты сактоо органдарынын сунуштарына ылайык, азык-түлүк жардамын бөлүштүрүү маалында инфекция коркунучун жокко чыгыруу үчүн БУУ ДАТП тарабынан алдын-алуу чаралар көрүлдү. Тактап айтканда, БУУ ДАТП кызматкерлери жана өнөктөштөрү үчүн коопсуздукту камсыздоо боюнча тренинг өткөрүп, азык-түлүк бөлүштүрүү пункттарында социалдык аралык эрежелери сактапжана бөлүштүрүү процесстерине катышкандардын баарына дезинфекциялоочу каражаттар, бет каптарды жана кол каптарды таратты.

Апрель айында БУУ ДАТП жана ЭСӨМ 33,000 адамга жалпысынан 1033 тонна азык-түлүк жеткирди жана мүмкүн болушунча биргелешкен талаа долбоорлорун улунтууда. Алардын ичинде: киреше алып келүүчү жөндөмдөр боюнча дистанциялык окутуулар жана айылдык инфраструктураны жакшыртуу.

БУУнун Дүйнөлүк Азык-түлүк программасы (БУУ ДАТП) Кыргыз Республикасындагы COVID-19 кризисинин учурунда азык-түлүк коопсуздук жана логистика чөйрөлөрүн башкаруу агенттик болуп саналат. Кризис мезгилиндеБУУ ДАТП азык-түлүккө болгон негизги муктаждыктарды канааттандыруу үчүн өлкөнүн бардык аялуу катмарына азык-түлүк жардамын көрсөтөт жана азык-түлүк коопсуздугунун тенденциясын анализдөө үчүн, өлкөнүн 18 базарындагы азык-түлүк бааларынын мониторингин жүргүзүүдө.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17