1,710 Бардыгы /

ОШ. Бүгүн, 2020-жылдын 10-май күнү Кыргыз Республикасынын Өзгөчө кырдаалдар министри Замирбек Аскаров  Ош облусуна болгон иш-сапарын Кара-Суу районунан баштады. Бул тууралуу  ӨКМдин басма сөз кызматы билдирди.

Маалыматка ылайык, алгач министр Замирбек Аскаров  Кара-Суу районунун Ак-Таш айылдык аймагынын Жылкелди жана Ак-Таш айылдарындагы 127 кожолукту сел каптоо коркунучунун алдын алуу максатында казылып жаткан сел каналдагы жумуштун жүрүшү менен таанышты.  Аталган обьектиге КР ӨКМ тарабынан 1 даана эксковатор жана 1 даана оор жүк ташуучу авто сомосвал бөлүнүп берилип,  учурда сел өткөрүүчү каналды чаап тазалоо иштери жүрүп жатат. Жалпы узундугу 4500 метр сел өткөрүүчү каналдын 3000 метри чабылып тазаланат.

Кошумчалай кетсек, министрдин иш-сапары Ош облусунун Алай районунун аймактарында улантылат.