Аймак

БАШКЫ ШТАБ КАНТТАГЫ БАЗАГА БАЙЛАНЫШКАН ПРОТОКОЛ ТУУРАЛУУ ТҮШҮНДҮРМӨ БЕРДИ

БАШКЫ ШТАБ КАНТТАГЫ БАЗАГА БАЙЛАНЫШКАН ПРОТОКОЛ ТУУРАЛУУ ТҮШҮНДҮРМӨ БЕРДИ

 820 Бардыгы /

Кыргызстандын Куралдуу күчтөрүнүн Башкы штабы Орусиянын Канттагы аба базасына байланышкан протоколдун парламентте талкууланышы тууралуу комментарий берди.

Башкы штабдын 2-июндагы маалыматында протоколдо ижара акысы боюнча маселелерди тактоо, учкучсуз аппараттарды Кыргызстандын аймагында биргелешип колдонуу, базанын учуу-конуу тилкесин реконструкциялоо боюнча эки өлкө ортосундагы 2012-жылы түзүлгөн келишимге киргизилген өзгөртүүлөр, толуктоолор камтылганы айтылат.

Протоколдун долбоорун Кыргызстандын Куралдуу күчтөрүнүн Башкы штабы менен Орусиянын Коргоо министрлиги даярдаган.

Кантка орус аба базасы 2003-жылы жайгашкан. Ал үчүн Орусия жыл сайын 4,5 миллион доллар төлөп берет. Башкы штаб бул каражат толугу менен бюджетке түшүп жатканын билдирди.

Штаб база жайгашкан жер тилкелерин кайра тактоо учурунда аянт келишимде көрсөтүлгөндөн көп экени билингенин, буга байланыштуу эки тараптуу келишимге өзгөртүү киргизилип жатканын белгилеген.

Маалыматка караганда, протоколго орус президенти Владимир Путин былтыр мартта кол койгон.

«​Протокол ратификациядан өтсө ижара акысы 4,79 миллион доллар болуп, учуу-конуу тилкесинин жасалма төшөлмөлөрүнүн ордуна эки миллиарддан ашык рублга бетон аэродромдук плиталар жана асфальт басылып, толук оңдолот. Плиталар орус тараптын менчиги болуп саналат», деп билдирди Башкы штаб.

Жогорку Кеңештин расмий сайтындагы маалыматка караганда, макулдашууга өзгөртүү киргизүү тууралуу протоколду ратификациялоо жөнүндө мыйзам долбоору 4-июнда биринчи окууда каралат. Аны кыргыз өкмөтү сунуш кылган.

Макулдашуунун өзүнө 2012-жылы 20-сентябрда, ал эми аны өзгөртүү тууралуу протоколго 2019-жылы март айында кол коюлган. Протокол эки өлкөнүн парламенттери ратификациялагандан кийин күчүнө кирет.

Кыргызстанда Орусиянын төрт аскердик объектиси жайгашкан. Алардын эң ириси – Канттагы авиабаза. Ал 2003-жылы Канттагы эски аскер аэродромунун базасында ачылган.

Протокол Эл аралык иштер, коргоо жана коопсуздук боюнча комитетинин 2-июндагы күн тартибине коюлуп, кайра алынды. Аны комитет талкуулай элек.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17