БҮБҮАЖАР ЭНЕ ЖҮЗ АЛТЫГА ЧЫКТЫ

3,603 Бардыгы /

ЖАЛАЛ-АБАД. Ала-Бука районунун Көк-Таш айыл аймагынын Арап айылы алыскы тоо койнундагы кутман карылар, умай энелер арбын болгон айылдардын бири.

Алардын бири Эгемова Бубуажар эне. Бул кутман кары быйыл 106 жашка чыкты. Учурда кенже уулу Ныязалынын колунда, келин-кыздары энени жаш баладай бапестеп багып жаткан учуру. Эне көп кыйынчылык күндөрду башынан өткөрүп балдарды тарбиялагандыгын айтат. Бубуажар эненин учурда 10 перзенти бар, Алты уул, 4 кыздын энеси. Турмушунда Бубуажар эне 13 перзенттүү болгон. Учурда алар апасын көз жаздымда калтырбай, кезек менен карашып, тамак -ашын белендешип, апасы менен сыймыктанып турушат. Анын 100дөн ашык неберелери бар. Эне алар менен сыймыктанып, бата бергенине курсант. Неберлери да энесин карашып, жанынан чыкпай, ак батасын алып келишет.

Бубуажар эне жалпы эле элибизге ак батасын ыроолоду. Учурда Көк-Таш айылы өзүн-өзү каржылаган айыл. Айылда жылдан жылга социалдык маселелер чечилип улгайган адамдар, барар-көрөрү жокторго өзгөчө камкордук көрүлүп келет. Бубуажар энеге жергиликтүү бюджет эсебинен быйылкы жылда 150 миң сом жардам көрсөтүлдү. Карысы бардын ырысы бар дейт, андыктан Арап айылынын тургундары Бубуажар эне менен сыймыктанууга акылуу. Энеге чын ден соолук, бактылуу карылык каалайбыз. Бар болуңуз Бубуажар эне.