843 Бардыгы /

    ОШ. Чоң-Алай райондук ооруканасында ушул тапта абал кыйла турукташып, кызыл зонада 5 гана бейтап калды. Бул жөнүндө райондук аймактык оорукананын жетекчисинин орун басары Ырысбү Эгембердиева ачыктады. 
–    Ушул күнгө дейре 85 жарандан таажы дарты аныкталып, 
булардын арасынан 44 адам ооруканада, 41 адам үй шартында изоляцияда дарыланып, акыры сакайышты. Ал эми таажы дартына кабылган 169 адамдын ичинен 162 адам айыгып, ушул тапта 5 адам изоляцияда дарыланса, экөө дагыле стационарда жатат. Тургундардан окчундатылгандардын экөөнүн абалы оор, ал эми үчөө орто акыбалда, – деп кошумчалады Чоң-Алай райондук оорукананын жетекчисинин орун басары Ырысбү Эгембердиева.
    Баса, буга дейре таажы илдетин жуктурган Чоң-Алай райондук ооруканасынын башкы медайымы Ош облусттук ооруканасында дарыланып чыгып, учурда эс алууда. Ал эми аталган оорукана жетекчисинин орун басары оор абалда Ошто дарыланды. Бирок, кычкылтек концентратору менен үйүнө чыгарылып, оорусу күчөп кеткенден кийин кайрадан ооруканага жаткырылды.

Алишер ТОКСОНБАЕВ, өз кабарчыбыз