Аймак

СУЗАКТА ЖАҢЫ ӨРТ-КУТКАРУУ БӨЛҮГҮНҮН ИМАРАТЫ КУРУЛУП ЖАТАТ

СУЗАКТА ЖАҢЫ ӨРТ-КУТКАРУУ БӨЛҮГҮНҮН ИМАРАТЫ КУРУЛУП ЖАТАТ

 600 Бардыгы /

ЖАЛАЛ-АБАД. Куруучулар Жалал-Абад облусуна караштуу Сузак районунда жаңы өрт-куткаруу бөлүгүнүн имаратын курууга киришти. Буга ылайык Өзгөчө кырдаалдар министрлиги, Кореянын Эл аралык кызматташтык агенттиги (KOICA) жана Бириккен Улуттар Уюмунун Өнүктүрүү Программасынын (ПРООН) ортосундагы кызматташтыктын чегинде өрт-куткаруу бөлүгүнүн жаңы имаратынын пайдубалына биринчи бетон куюлду.

Баса, курулушка капсула салуу аземине Өзгөчө кырдаалдар министринин орун басары Акылбек Мазарипов, Кореянын Эл аралык кызматташтык агенттигинин Кыргызстандагы директору Ли Джунг Су, ПРООНдун туруктуу өкүлүнүн техникалык кеңешчиси Марат Абдырахманов жана Министрлер кабинетинин Жалал-Абаддагы ыйгарым укуктуу Өкүлү Абсаттар Сыргабаев, Сузак районунун акиминин орун басары Бакытбек Сүйүнбаев катышышты.

Жалпысынан аталган долбоордун алкагында ПРООН Бишкек, Ош жана Чолпон-Ата шаарларында, ошондой эле Жалал-Абад облусунун Сузак айылында өрт-куткаруу бөлүмдөрү үчүн төрт жаңы имарат курулат жана алар толук кандуу жабдылат. Ошондой эле акыркы үлгүдөгү заманбап шаймандар жана өрткө каршы курал-жарактар менен жабдылмакчы. Долбоор өрт-куткаруу кызматкерлеринин квалификациясын жана билимин өркүндөтүү боюнча тренингдерди дагы байма-бай өткөрөт.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17