1,017 Бардыгы /

БИШКЕК. Башкалаабызда жайгашкан «Кербен» базарында эмгектенип жатышкан жеке ишкерлер Лейлектеги чек арачы жоокерлерге музыкалык жабдыктарды жана улуттук музыкалык аспаптарды, кийим-кечелерди жана күнүмдүк керектелүүчү буюмдарды, ошондой эле Лецлктеги Сада айылынын жашоочуларына гуманитардык жардам дагы жөнөттү. Бул жөнүндө Бишкек шаарындагы «Кербен» базарынын директору Нурбек Жумалиев редакциябызга кабарлады.

-Чек арачы жоокерлерибизге азыркындай кырдаалда ар тараптуу колдоо көрсөтүп, буга улай алардын аскердик духун такай көтөрүү – биздин башкы милдетибиз! – дейт Бишкек шаарындагы «Кербен» базарынын директору Нурбек Жумалиев.

Эске салсак, «Кербен» соода борбору тарабынан Баткен облусунун Сада айылынын тургундарына жана чек арадагы жоокерлерге жардам ушуну менен экинчи ирет жөнөтүлүүдө. Буга дейре чек ара чырында жапа чегишкен жергиликтүү тургундарга. мындайча айтканда, 214 үй-бүлөгө 15 миң сомдон тапшырылган.

Алишер ТОКСОНБАЕВ, өз кабарчы