924 Бардыгы /

ЖАЛАЛ-АБАД. Жалал-Абад ОИИБдин басма сөз кызматы маалымдагандай, Ала-Бука райондук ички иштер бөлүмүнүн милициянын көчмө кабылдамасынын экипажы жергиликтүү бийлик өкүлдөрү, айыл башчылары жана чек ара кызматкерлери менен биргеликте райондун Өзбек республикасы менен чек аралаш жайгашкан айылдарында жарандардын коопсуздугун камсыздоо, “Ковид-19” илдетинин жайылып кетүүсүнүн алдын алуу, сууга чөгүү кырсыктарынын, топтошуп мушташуу жана башка ушул сыяктуу коомго терс көрүнүштөрдү болтуроо максатында, айылдардагы базарлар, соодо түйүндөрү, аптекаларда жана эл көп топтолгон жайларда түшүндүрүү жана алдын алуу иштери жүргүзүлүүдө.
Ал эми Ноокен РИИБдин жетекчилиги Масы айылындагы борбордук мечитте Ноокен районунда катталып жаткан үй-бүлөлүк зомбулук, сууга чөгүүлөр жана райондогу кылмыштуулук боюнча маалымат берип, андан соң ар кандай кылмыш кырсыктардан оолак болууга үндөп, кылмыштуулук боюнча маалымат болуп калса кайдыгер карабай, жарандык милдеттерди аткарууда милиция менен тыгыз байланышта кызматташууга чакырды.