1,686 Бардыгы /

ОШ. Кыргызстандын Түштүк башкалаасынын мэри Алмаз Мамбетов Орусиянын куралдуу күчтөрү менен биргеликте өткөрүлгөн Эл аралык “АрМИ-2021” танкалык биатлон жана десанттык взвод мелдештеринде катышып, биринчи орунду багындарган Ош гарнизонунун аскер кызматкерлери менен жолугушту.

Кездешүү маалында Ош шаарынын башчысы аскерлерге мындан аркы иштеринде ийгиликтерди гана каалап, өлкө намысын бек сактап, ар дайым бийиктиктерди багындырып жүрө беришине тилектештигин шардана кылды.

Андан кийинки сыйлоо аземинде Ош шаарынын мэри Алмаз Мамбетов 36806-аскер бөлүгүнүн танкалык батальонунун 1-ротасынын улук механик айдоочусу, кенже сержант Дилмурад Азизовго, 36806 аскер бөлүгүнүн 1-танкалык ротасынын командири, капитан Курманбек Надирбековго, 01003-аскер бөлүгүнүн соотанк кызматынын башчысы, полковник Рустам Садиковго, 30630 аскер бөлүгүнүн улук механик айдоочусу, сержант Бекмурза Суюнбай уулуна, 30630 аскер бөлүгүнүн улук механик-айдоочусу, ефрейтор Нурсултан Тажибай уулуна, 36806 аскер бөлүгүнүн танкалык батальонунун 1-танкалык ротасынын улук мээлегичи, катардагы жоокер Амангелди Төрөбек уулуна, 30670 аскер бөлүгүнүн Т-72М танкасынын командири, сержант Исхак Тыналы уулуна, 30670 аскер бөлүгүнүн танкалык взводунун командири, улук лейтенанты Ырысбек Шайып уулуна 5000 сомдон акчалай сыйлыктарды жана Ардак грамоталарды тапшырды.

Айтмакчы, Орусиянын куралдуу күчтөрү менен биргеликте мындай маанилүү иш-чаараларды мындан ары байма-бай өткөрүү мерчемделди.

Алишер ТОКСОНБАЕВ, өз кабарчы