1,719 Бардыгы /

ОШ. Ош мамлекеттик университетинде (ОшМУда) Кыргыз филологиясы жана журналистика факультетинде журналист Байыш Төлөновдун 70 жаш мааракеси уюштурулду.

Даталуу иш-чарада студенттер тарабынан атайын концерттик программа тартууланып, Байыш Төлөновдун калемине таандык ырлар, ошондой эле башка чыгармаларынан үзүндүлөр дагы аткарылды. Буга улай мээнеткеч  калемгердин өмүр жолун чагылдырган видеотасма көрсөтүлдү. Мааракеге университеттен инвестициялар жана стратегиялык өнүктүрүү боюнча проректору Жанболот Турсунбаев, Байыш Төлөновдун жакын санаалаштары, кесиптештери жана аталган факультеттин эмгек жамааты катышышты.

Байыш Төлөнов 1951-жылы 25-сентябрда Кара-Суу районунун Папан айылында туулган. 1974-жылы Ош мамлекеттик педагогикалык институтунун (азыркы ОшМУнун) филология факультетинин кыргыз тили жана адабияты бөлүмүн аяктаган. Эмгек жолунда Кыргыз радиосунун Оштогу бөлүмүндө редактор, телекөрсөтүүдө редактор, баяндамачы кызматтарын аркалган. Ушул тапта ЭлТР мамлекеттик телерадио компаниясында жаштардын насаатчысы болуп үлгүлүү иштеп келатат. Бир нече мамлекеттик сыйлыктардын жана «Ош шаарынын ардактуу атуулу» наамынын ээси.

Алишер ТОКСОНБАЕВ, өз кабарчы