1,884 Бардыгы /

ЖАЛАЛ-АБАД. Кара-Көл шаарына караштуу Ууч жайлоосунда куураган чөптөн өрт тутанды. Бул жөнүндө Өзгөчө кырдаалдар министрлигинен  кабарлашты.

Маалыматка караганда, ушул жылдын 23-сентябрында өрттү өчүрүүгө алты куткаруучу, жергиликтүү тургундардан 30 адам тартылды. Өрт саат 17:10до чектөөгө алынып, саат 20:03тө толук бойдон өчүрүлдү. Өрттүн жалпы аянты 50 гектар. Бирок 23-сентябрь күнү кайрадан өрт чыккан. Ал жерде жалпы 17 куткаруучу өрт өчүрүү иштерин жүргүзүүдө. Ушул тапта өрттүн чыныгы себеби такталууда.

Чаткал районунун Айгыр-Жал айылынын Арстан-Сай тилкесиндеги токойдо 3 гектар аянттагы куураган чөп жана дарактар күйүп кетти. Өрттү өчүрүүгө 6 куткаруучу, жергиликтүү тургундардан 50 киши, токой чарба кызматынан 11 кызматкер тартылды. Ушул тапта өрттүн нукура себеби дагыле такташтырылууда.

Алишер ТОКСОНБАЕВ, өз кабарчы