948 Бардыгы /

ОШ. Ушул жылдын 28-30-сентябрь күндөрү Ош шаарындагы Султан Ибраимов  атындагы Ош Улуттук драма театрында “Түштүк-ЭКСПО-2021” Эл аралык көп тармактуу көргөзмө-жарманкеси өткөрүлөт. Иш-чарага 500дөн ашуун жергиликтүү ишкерлер, чет өлкөлөрдүн элчилери, дипломаттар, ошондой эле Дүйнөлүк бир катар уюмдардын өкүлдөрү катышаары күтүлүүдө.

Ошентип, аталган иш-чаранын алкагында чет өлкөдөн келишкен  коноктор Ош облусундагы бир катар ири ишканалар менен жеринде таанышышып, жергиликтүү ишкерлер менен өз ара тыгыз кызматташуу тууралуу келишимдерди дагы түзүшмөкчү.

“Түштүк-ЭКСПО-2021” Эл аралык көп тармактуу көргөзмө-жарманкесинин максаты: Ош облусунда Эл аралык соода-экономикалык мамилелерди ырааттуу өнүктүрүү, мындан ары ого бетер бекемдөө, тынымсыз инвестиция тартуу жана жергиликтүү өндүрүүчүлөрдүн өндүргөн товарларын чет өлкөлөргө туруктуу экспортоого  жакындан көмөк көрсөтүү.

Алишер ТОКСОНБАЕВ, өз кабарчы