Аймак

МЕКЕНДЕШИБИЗ АНАРА МУРЗАКУЛОВА РОССИЯДА «КОНДИТЕР» ТЕЛЕДОЛБООРУН ЖЕҢИП АЛДЫ

МЕКЕНДЕШИБИЗ АНАРА МУРЗАКУЛОВА РОССИЯДА «КОНДИТЕР» ТЕЛЕДОЛБООРУН ЖЕҢИП АЛДЫ

 903 Бардыгы /

Анара Мурзакулова Россиядагы мыкты кондитер деп табылды. Мекендешибиз “Кондитер” теледолбоорунун суперфиналын жеңип алды. 

Мекендешибиз Анара Мурзакулова Россиядагы мыкты кондитер деп табылды. Ал Россиянын “Пятница” телеканалынын “Кондитер” теледолбоорунун бешинчи, юбилейлик суперфиналын жеңип алды. Сегиз катышуучу мыкты кондитердик наам үчүн ат салышты. Таймаш оңой болгон жок, 10 сааттын ичинде бийиктиги бир метрден ашык, салмагы 10 килограммдан кем эмес торт бышыруу керек болчу.

Анарага васаби тийди. “Деңиз толкуну” деп аталган тортко жапон татымалы кошулуп жасалышы керек. Бардык катышуучулар аягына чейин жете алышкан жок, биринин тортунун салмагы чыкпай калса, экинчисиники 1 метрге жетпей калган. Мекендешибиздин “Деңиз толкуну” деп аталган торту бардык талаптарга жооп берип, даамы калыстар тобунун купулуна толду.

Суперфинал эфирге 19 – октябрда чыкты. Анаранын кубанычын тең бөлүшүү үчүн шакирттери, кыргыз диаспорасынын өкүлдөрү келишти. Анара Мурзакулова ойлогон максаттарына акырындап жетип келе жатат, суперфиналды утту, үй-бүлөлүк бюджетти миллион рублга толтурду, эми аман-эсен көз жарып алсам деп турган кези.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17