1,026 Бардыгы /

ЖАЛАЛ-АБАД. Жалал-Абад ШИИБдин жашы жете электер менен иштөө инспекциясынын кызматкерлери билим берүү мекемелеринде окуучулар жана студенттер менен жолугушууларды өткөрүүдө.

Жалал-Абад ОИИБдин басма сөз кызматы маалымдагандай,

шаардык мэриянын, билим берүү, үй-бүлө жана балдарды колдоо бөлүмдөрүнүн кызматкерлери менен биргеликте жаштар арасындагы кылмыштуулуктун алдын алуу багытында профилактикалык иштер жүргүзүлүүдө.

Милиция кызматкерлери жаштарды кылмыштуулуктан, укук бузуулардан алыс болууга чакырышты. Мыкты билим жана татыктуу тарбия алып, өлкөбүздүн өнүгүүсүнө салым кошууга үндөштү. Ошондой эле эрте нике туруунун, мектеп рэкетчилигинин, үй-бүлөлүк зордук-зомбулуктардын алдын алууда биргелешип иштөө керектиги айтылды.

Белгилей кетсек, Жалал-Абад шаарынын аймагында 20 мектеп, 4 окуу жайы жана 4 лицей бар.