1,062 Бардыгы /

            Урматтуу мекендештер, 2021-жылдын жылдын 28-ноябрь күнү Кыргыз  Республикасынын Жогорку Кеңешине депутаттарды шайлоо болуп өтөт.

 Буга көп деле убакыт калган жок. Бул маанилүү өнөктүктү ийгиликтүү өткөрүүдө бардык коопсуздук масалелери менен бир катарда өрт коопсуздугу маселеси да орчундуу орунду ээлейт.

 Шайлоо учурунда өрт кокустуктарына жол бербөө үчүн кандай иш-чараларды аткаруу керек? Мына ушул темада адис катары ой бөлүшмөкчүбүз.

            Эң оболу, добуш берүү бөлмөлөрүн жайгаштырууда, экиден кем эмес сыртка алып чыгуучу эшиги бар бөлмөлөр тандап алынуусу талапка ылайык. Добуш берүүчү бөлмөлөр баштапкы өрт өчүрүүчү шаймандар жана байланыш каражаттары менен камсыз кылынуусу зарыл. Шайлоого даярдык көрүү жана аны өткөрүү мезгилинде сутка боюу нөөмөтчүлүк уюштуруу максатка ылайык. Добуш берүү бөлмөлөрүнүн электр жабдуулары адис аркылуу кароодон өткөрүлүп, зарылчылык туулса ремонт-оңдоо иштерин жүргүзүү зарыл. Добуш берүү бөлмөлөрүндө тамак даярдоо же болбосо чай кайнатуу ж.б. чарбалык керектөөлөр үчүн электр жылыткыч приборлорун, газ жана ошондой эле ачык жалынды колдонууга тыюуу салынат.Добуш берүү бөлмөлөрүндө тамактануу, эс алуу жана тамеки тартууга болбойт. Дагы бир айта кетчүү орчундуу маселе – бул, эгерде кокусунан электр жарыгы өчүп кала турган болсо, добуш берүү бөлмөлөрүн жарык кылуу үчүн шам, керосин жана солярка менен иштөөчү лампаларды колдонууга мүмкүн эмес. Мындай учурда аккумулятордук батареялардын жардамы менен иштөөчү фонарларды гана колдонууга уруксат берилет.

            Добуш берүү бөлмөлүрү тез күйүп кетүү касиеттерге ээ заттардан таза  болуусу керек.

            Эскерте кетебиз, шаардык өрткө каршы кызматынын телефону «101» же “112”

            Урматтуу мекендештер, алдыбызда турган манилүү саясий кампанияны ийгиликтүү өткөрөлү. Бул үчүн, башка коопсуздук маселелери катары өрт коопсуздугуна да орчундуу көңүл бөлүп, кайдыгерлике жол бербейли.

Н.ЖОЛДОШОВ, Жалал –Абад  шаары боюнча ӨКБнүн ӨӨжААБнүн башчысы,   капитан