1,050 Бардыгы /

БАТКЕН. Ушул тапта Баткен шаардык Кеңешинин VII чакырылышынын кезектеги VII сессиясы жүрүп жатат. Сессиянын күн тартибинде14 орчундуу маселеле каралууда. 

Атайын сессияда жергиликтүү бюджеттин өткөн 2021-жылда аткарылышы, Баткен шаарынын 2021-жылга инфратүзүмүн өнүктүрүүгө багытталган иш чарасынын жергиликтүү бюджеттен аткарылышы, шаардык Кеңешинин жобосун жаңы редакцияда кабыл алуу, Баткен шаарынын мэриясы жөнүндө жобосун жаңы редакцияда кабыл алуу, Баткен шаар мэриясынын алдындагы муниципалдык менчикти башкаруунун абалы, Баткен шаарынын аймагында Жайыт комитетинин 2021-жылга аткарган иш аракеттери жана 2022-жылга иш планын бекитүү маселелери дыкаат каралууда. Мындан тышкары оор жумуштарды жана зыяндуу, же эмгек шарттары кооптуу жумуштар үчүн кошумча төлөмдөрдү белгилөөнүн тартиби, Кыргыз Республикасынын Эсептөө палатасынын Ош шаары, Ош, Жалал-Абад жана Баткен областары боюнча аймактык бөлүнүшүнүн Баткен шаар мэриясынын алдындагы муниципалдык менчик департаментинин 2019-жылдын 1-январынан, 2020-жылдын 31-декабрына карата мезгил аралыгындагы аудиттин жыйынтыгы, Баткен шаарынын Султанмурат Миңбашы көчөсүндөгү муниципалдык 0,37 гектар  жер аянтына үлүштүк салым менен инвестиция аркылуу көп кабаттуу үй курууга  макулдук берүү, Баткен шаарынын Султанмурат Миң башы көчөсүндөгү З.С.Эргешовдун жеке менчик 0,10 га өлчөмүндөгү Ж-2 (аралаш көп кабаттуу үйлөр аймагы) багытындагы жер аянтын Ж-1 (жекече үйлөрдүн аймагы) багытына өткөрүүгө макулдук берүү, Баткен шаарынын Кызыл-Жол АТОнун аймагындагы Кара-Тоо насостукбекетинин жана Салкын-Төр каналын, Баткен облустук суу чарба башкармалыгынын балансасына өткөрүп берүүгө макулдук берүү, Баткен шаардык Кеңешинин VI чакырылышынын X сессиянын 2018-жылдын 21-июндагы «Муниципалдык менчик жерлерди пайдалангандыгы үчүн ижара акыларын аныктоо боюнча ижара көлөмүнүн коэффиценттерин бекитүү жөнүндө» 0-18/25 токтомуна толуктоолорду киргизүү жөнүндө маселелер дагы каралмакчы.

Баткен шаардык Кеңешинин VII чакырылышынын кезектеги VII сессиясы соңунда Баткен шаарынын аймагында той-мааракелерди өткөрүүдө ашыкча ысырапкерчиликке жол берген каада-салттарды жоюу боюнча Жобосун дагы бекитет.

Алишер ТОКСОНБАЕВ, өз кабарчы