1,503 Бардыгы /

ЖАЛАЛ-АБАД. Жалал-Абад шаардык мэриясы имараты жок мамлекеттик мекемелер пайдаланып келген бала бакчаларды муниципалдык менчикке кайтарып, кайрадан өз багытында иштетүү аракетин баштады.

Жалал-Абад шаардык мэриясынын маалымат борбору билдиргендей,

Финансы министрлигинин Жалал-Абад башкармалыгы пайдаланып келген бала бакчанын имаратын муниципалдык менчикке өткөрүп алууга шаардык кеңештин депутаттары макулдук беришти.

Алдыда аталган имарат жергиликтүү бюджеттин эсебинен оңдоп-түзөөдөн өткөрүлүп, кайрадан жеткинчектер үчүн эшигин ачат.

Учурда бала бакчанын имаратында иш алып барып келе жаткан шаардык ички иштер бөлүмүнүн жана облустук юстиция башкармалыгынын имараттарында кайтаруу боюнча иш жүрүүдө.