1,188 Бардыгы /

ЖАЛАЛ-АБАД. Бүгүн 11-майда Жалал-Абадоблусунунаймагындагы шаардык жана айылдык милиция бөлүмчөлөрүнүн тейлеген аймактарында кылмыштуулуктун алдын алуу, катталган кылмыштардын бетин ачуу жана начальниктеринин уюштуруучулук багытындагы жетекчилик ролун кароо боюнча ыкчам кеңешме болду.

Жалал-Абад ОИИБдин басма сөз кызматы маалымдагандай, кеңешмеге Жалал-Абад ОИИБдин начальниги, милициянын полковниги АшимТагаев, шаардык жана райондук ички иштер бөлүмдөрүнүн башчыларынын орун басарлары, аймактык милиция бөлүмчөлөрүнүн жетекчилери катышышты.

Алгач милиция бөлүмчөлөрү тарабынан аткарылып жаткан жумуштар, алардын кызматтык ишмердүүлүктөрү боюнча баяндама жасалды. Жалал-Абад ОИИБдин жетекчилиги тарабынан жайкы туристтик мезгилге карата даярдыктарды көрүү, ички жана сырткы туристтердин коопсуздугуна өзгөчө көңүл буруу зарылдыгы айтылды. Ошондой эле коррупциядан алыс болуп, коңшу өлкөлөр менен чектешкен аймактарда аткезчиликке бөгөт коюу, ысырапкерчиликтин алдын алуу иштерин күчөтүү зарылдыгы белгиленди. Акыркы коңгуроо, жайкы сууга түшүү мезгилдерине карата профилактикалык жумуштарды алып баруу зарылдыгы айтылды. Улуттар аралык ынтымакты бекемдөө, жаш өспүрүмдөр арасында кылмыштуулукка каршы спорттук иш-чараларды да колгоалуу керектиги белгиленди.

Жалал-Абад ОИИБдин начальниги Ашим Тагаев аймактык милиция бөлүмчөлөрүнүн жетекчилерин жергиликтүү бийлик өкүлдөрү жана жергиликтүү тургундар менен тыгыз кызматташууга чакырды. Элибизге сервистик тейлөө көрсөтүү зарылдыгын белгилеп, жеринде көйгөйлүү маселелерди чечип, тиешелүү чараларды көрүү керектигин айтып өттү.

Ыкчам кеңешменин соңунда бир катар тапшырмалар коюлуп, аткарылган жумуштардын жыйынтыгы ушул жылдын 6 айында каралмай болду.

Белгилей кетсек, Жалал-Абад облусунун аймагында 27 шаардык жана айылдык милиция бөлүмчөлөрү бар.