1,332 Бардыгы /

ЖАЛАЛ-АБАД. Кыргызстан менен Өзбекстандын атайын кызматтарынын башчылары чек ара жолугушту.  Улуттук коопсуздук кызматынын маалыматына караганда, генерал-лейтенант Камчыбек Ташиев менен генерал-лейтенант Абдусалом Азизов чек ара маселесин талкуулашты.

Улуттук коопсуздук кызматынын маалыматына караганда, генерал-лейтенант Камчыбек Ташиев менен генерал-лейтенант Абдусалом Азизов Жалал-Абад облусунун Ала-Бука районундагы чек ара тилкесиндеги макулдашыла элек Гавасай тилкесин тик учак менен айланып кыдырышты. Ошентип, тараптар тийиштүү маселелер боюнча өз ара пикир алмашышты. Жолугушуу жылуу достук маанайда өттү жана тиешелүү чечимдер дагы кабыл алынды.

Белгилей кетчү жагдай: Кыргыз-Өзбек чек арасынын узундугу 1 миң 378 чакырым. Анын 92 пайызы аныкталып, 85 пайызы боюнча келишимге кол коюлган. Чек аранын көпчүлүк бөлүгүн тактоо чечимине 2017-жылы кол коюлган. Андан кийин Садыр Жапаров Ташкентте иш сапарында Шавкат Мирзиев менен чек аранын калган бөлүгүн 3 айда ырастоону макулдашкан. УКМКнын төрагасы Камчыбек Ташиев чек араны калган бөлүгү боюнча протоколго кол койгон. Бирок,  Кара-Суу жана Өзгөн райондорунун тургундарынын каршылыгынан кийин протоколду кайра карап чыгууну убадалаган. 

Алишер ТОКСОНБАЕВ, өз кабарчы