12,057 Бардыгы /

                  10-декабрь 2021-жыл                    Сакалды  айылы

“Сакалды айыл өкмөтүнүн жергиликтүү бюджетинин 9 айында            

аткарылышы жөнүндө”

1. Сакалды айыл өкмөтүнүн 2021-жылга кабыл алынган жергиликтүү  бюджетинин 2021-жылдын 9 айына карата аткарылышы боюнча айыл  өкмөттүн бөлүм башчысы А.Турганбаеванын маалыматы эске алынсын (маалымат баракта тиркелет).
2. Сакалды айыл өкмөтүнүн 2021-жылга кабыл алынган жергиликтүү  бюджетинин 2021-жылдын 9 айына карата аткарылышы  канааттандырарлык деп табылсын.
3. Токтомдун аткарылышын көзөмөлдөө бюджет жана экономика боюнча туруктуу комитетине милдеттендирилсин.

Төрага:                                                        А. Нишанбаев

————————————————————————————————-

Сакалды айыл өкмөтүнүн 2021-жылдын 9 айына түшкөн киреше салыктар боюнча маалымат

————————————————————————————–

                                                 ТОКТОМ №2

                 10-декабрь 2021-жыл                 Сакалды  айылы

“Жарандардын арыздарын кароо жөнүндө”

Күн тартибиндеги маселени угуп жана талкуулап чыгып, “Жергиликтүү өз алдынча башкаруу жөнүндө” Кыргыз Республикасынын  мыйзамынын 31-беренесине негиз Сакалды айылдык кеңешинин XXVIII чакырылышынын кезектеги VIII сессиясы

                    ТОКТОМ  КЫЛАТ:

1. Сакалды айыл өкмөтүнүн төмөндөгү жашоо шарты начар, ден соолугунун  мүмкүнчүлүгү чектелген жарандарына айыл өкмөтүнүн жергиликтүү  бюджетинин эсебинен материалдык жардам көрсөтүлсүн: Арапова Асилканга 10 000 (он миң) сом; Орозалиева Асилканга 10 000 (он миң) сом.
2. Жогоруда аталган акча каражатын тиешелүү булактардан ажыратып  берилишин камсыздоо Сакалды айыл өкмөт башчысы А.Осмоновго  милдеттендирилсин.
3. Токтомдун аткарылышын көзөмөлгө алуу айылдык кеңештин бюджет жана  экономика маселелери боюнча туруктуу комитетине тапшырылсын.

Төрага:                                                        А. Нишанбаев

————————————————————————————–

                                                  ТОКТОМ №3

               10-декабрь 2021-жыл                    Сакалды  айылы

“Сай-Бою, Чарбак Таза-Суу” коомдук ишканасын түзүү жөнүндө”

Кыргыз Республикасынын “Жергиликтүү өзүн өзү башкаруу жөнүндө” мыйзамына ылайык Сакалды айылдык кеңешинин ХХVIII чакырылышынын кезектеги VIII  сессиясы

ТОКТОМ КЫЛАТ:

1. Сай-Бою, Чарбак Таза-Суу коомдук ишканасын түзүүгө байланыштуу мамлекеттик каттоодон өткөрүлүүсүнө макулдук берилсин.

Юридикалык жактын толук фирмалык аталышы:

Мамлекеттик тилде “Сай-Бою,Чарбак-Таза-Суу” коомдук ишканасы.

Расмий тилде: Общественное предприятие “Сай-Бою, Чарбак-Таза-Суу”

Юридикалык жактын кыскартылган фирмалык аталышы:

Мамлекеттик тилде: “Сай-Бою, Чарбак-Таза-Суу” КИ.

Расмий тилде: ОП “Сай-Бою, Чарбак-Таза-Суу”.

• “Сай-Бою, Чарбак Таза-Суу” коомдук ишканасынын уставына макулдук берилсин.
• “Сай-Бою, Чарбак Таза-Суу” коомдук ишканасы юридикалык жак катары мамлекеттик каттоодон Жалал-Абад облусунун Юстиция башкармалыгынан өткөрүлүшүнө макулдук берилсин.
• Токтомдун аткарылышынын көзөмөлдөө жагы Сакалды айылдык кеңешинин мыйзамдуулук боюнча туруктуу комитетине жүктөлсүн.

Төрага:                                                        А. Нишанбаев

————————————————————————————–

                                                   ТОКТОМ №4

                 10-декабрь 2021-жыл                  Сакалды  айылы

“2022-жылдын 25-мартынан 3-апрелине чейин эл жана турак жай фондун каттоого каражат ажыратуу жөнүндө”

Күн тартибиндеги маселени карап жана талкуулап чыгып, Кыргыз Республикасында 2022-жылы эл жана турак жай фондун каттоого өз убагында жана сапаттуу даярдык көрүүнү жана жүргүзүүнү камсыз кылуу жөнүндөгү Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аппаратынын 2021-жылдын 17-ноябрындагы “Кыргыз Республикасында 2022-жылы эл жана турак жай фондун каттоого даярдык көрүү жана жүргүзүү жөнүндө” № 59 токтомунун 3-пунктуна ылайык Сакалды айылдык кеңешинин XXVIII чакырылышынын кезектеги VIII сессиясы

                 ТОКТОМ КЫЛАТ:

1. Сакалды айыл өкмөтүнүн аймагында 2022-жылдын 25-мартынан 3-апрелине чейинки мезгилде атайын даярдалган каттоочулар тарабынан калкты сурамжылоо жолу менен 2022-жылдын 25-мартына карата абал боюнча эл жана турак жай фондун каттоо жүргүзүлсүн.   
2. 2022-жылдын 15-январына карата эл жана турак жай фондун каттоого даярдык көрүү жана жүргүзүү мезгилинде райондук мамлекеттик статистика бөлүмүнөн каттоо персоналына тиешелүү эмерек, шаймандар компьютердик техника, автотранспорт жана телефон байланышы менен жабдылган тийиштүү корголуучу жайларды, кабинеттерди ажыратып берүү жагы Сакалды айыл өкмөтүнө тапшырылсын.
3. Эл жана турак жай фондун каттоого даярдык көрүү жана жүргүзүү менен алектенген каттоо персоналына каражаттар райондук статистика бөлүмү менен макулдашылган сметага ылайык каралсын (оргтехника, жол кире, тамак-аш, жатакана, баннерлер, лозунгдар). Бул максатта айыл өкмөттүн жергиликтүү бюджетинен 170000 (бир жүз жетимиш миң) сом акча   каражатын мыйзамдуу жагын карап, мыйзамга ылайык бөлүнүп берүү жагы   каралсын.
4. Токтомдун аткарылышын көзөмөлгө алуу бюджет жана экономика боюнча  туруктуу комитеттин төрагасы Ш.Масировго жана Сакалды айыл өкмөтүнүн башчысы А.Осмоновго жүктөлсүн.

Төрага:                                                        А. Нишанбаев

————————————————————————————–

                                            ТОКТОМ №5

           10-декабрь 2021-жыл                     Сакалды  айылы

“Кызматтык автоунаа сатып алуу жөнүндө”

Күн тартибиндеги маселени угуп жана талкуулап чыгып, Кыргыз Республикасынын “Жергиликтүү өз алдынча башкаруу жөнүндө” мыйзамынын 31-беренесине ылайык Сакалды айылдык кеңешинин ХХVIII чакырылышынын кезексиз VIII сессиясы                    

                            ТОКТОМ КЫЛАТ:

1. Сакалды айыл өкмөтүнүн 2007-жылы мамлекет тарабынан берилген 0721 үлгүсүндөгү кызматтык автоунаасы эскилиги жетип пайдаланууга мүмкүн болбой калгандыгы эске алынсын.
2. Сакалды айыл өкмөтүнө кызматтык автоунаа сатып алуу үчүн жергиликтүү бюджеттин 31 10 статьясынан 750000 (жети жүз элүү миң) сом каражат ажыратылсын.
3. Токтомдун аткарылышын көзөмөлдөө Сакалды айылдык кеңешинин бюджет жана экономика маселелери боюнча комитетине тапшырылсын.

Төрага:                                                        А. Нишанбаев

                                         ТОКТОМ №6

               10-декабрь  2021-жыл                       Сакалды  айылы

 “Жарандардын арыздарын кароо жөнүндө”

Күн тартибиндеги маселени угуп жана талкуулап  чыгып,                                   “Жергиликтүү өз алдынча башкаруу жөнүндө” Кыргыз Республикасынын  мыйзамынын 31-беренесине негиз Сакалды айылдык кеңешинин XXVIII чакырылышынын кезектеги VIII сессиясы ТОКТОМ  КЫЛАТ:

1. Сакалды айыл  өкмөтүнүн төмөндөгү жашоо шарты начар, ден соолугунун мүмкүнчүлүгү чектелген жарандарына  айыл өкмөтүнүн  жергиликтүү бюджетинин эсебинен материалдык жардам  көрсөтүлсүн: Халбаева  Айнурага10  000 (он  миң) сом, Абдираимова Бактыкан 10 000 (он миң) сом.
2. Жогоруда аталган акча каражатын тиешелүү булактардан ажыратып  берилишин камсыздоо Сакалды айыл өкмөт башчысы А.Осмоновго  милдеттендирилсин.
3. Токтомдун аткарылышын көзөмөлгө алуу айылдык кеңештин бюджет жана  экономика маселелери боюнча туруктуу комитетине тапшырылсын.

                          Төрага:                                    А.Нишанбаев