2,806 Бардыгы /

Бир кошунабыз бар болчу. Адамдар менен бат тил табышкан, элпек карым катнашы жакшы киши эле. Бир күн кѳчѳгѳ чыксам, ошол кошунам машинасын жолго чыкканга даярдап жатыптыр. Жакын барып кѳңүл бѳлүп карадым. Машинасынын арткы орундугунда жыйырма кутудан ашуун шириндик бар экен. Кошунама салам берип:
– Жолуңуз болсун! Кайда жѳнѳдүңүз кошуна? дедим. Саламыма алик алып мага жылмайды. Мага жылмайып күлгѳнүн түшүнбѳдүм. – Мага жардамдашып жибересиңби? – деди. Мен – мейли, бирок алыс жер эмесби? – деп сурадым. «Жок, Аллах буйруса кеч калбай кайтабыз» деп жооп берди. Өзүбүз жашаган айылдан орточо ылдамдык менен жарым сааттан ашуун жол жүрүп бир айылга жеттик. Ал жердеги үйлѳр аянычтуу начар абалда экен.
Кошунам машинасын токтотту. Шокаладтарды колго алып, биринчи эшикти кактык. Эшикти жаш балдар ачышты. Алар кишини көрүп аябай кубанып кетишти. Үйүнө чуркап кирип, «Апа, шокаладчы байке келди» деп чакырышты. Аларга бир куту шокаладты берип жаш балдар менен бир аз сүйлѳшүп, анан кетүүгѳ уруксат сурады.
Экинчи эшикти каккылады. Эшикти картайган чоң эне ачты. Эне кошунама «Аллах сизге Бейиш эшиктерин ачсын. Уулум сиз бизди эстеген экенсиз, сизди Аллах эстесин» деп дуа берди. Аларга дагы бир куту шокалад берди да кетүүгѳ уруксат сурады. Ошентип олтуруп ар бир эшиктен эң жакшы дуалар, ыраазылык билдирген сѳздѳр угулду. Шириндиктерди таркатып бүтүп, машинага олтуруп үйүбүзгѳ карай жол алдык.
Мен толук түшүнбөй: – Кошуна сизден Аллах ыраазы болсун. Аябай жакшы иш кылдыңыз, бирок, бир суроо туулду. Эмнеге аларга ошол бир куту шокаладтын акчасын эле берип койбойсуз? Алар ѳздѳрү каалаган нерселерин алышат беле, дедим. Ал жылмайып арткы орундукка карап, калган бир куту шокаладты алып мага берди.- Ачсаң, деди. Кутунун ичинде шоколад менен бирге оролгон акча да бар эле.
– Эмнеге акчаны колдоруна эле берип койбодунуз, кошуна? дедим. Ал «Мен шоколадты жакшы кѳрѳм жана ар күнү жеймин» деп жооп берди.
Аллах Таала Куръанда: «Жакшылыкка ( Бейишке) ѳзүңѳр сүйгѳн нерселерди садака кылмайынча жете албайсыңар. Жана кандай гана нерсени садака кылсаңар Аллах билүүчү» деп айткан.
«Кедейлердин да биздин жегибиз келген нерседен жегилери келет» деп кошунам сѳзүн аяктады.

Умида Нажимиддинова, “Аймак”