960 total views

БАТКЕН. Кыргыз Өкмөтүнүн Баткен облусундагы ыйгарым укуктуу Өкүлүнүн быйылкы мектеп окуучулары үчүн “Балаты” жаңы жылдык майрамы эпидемиологиялык кырдаалга байланыштуу онлайн форматында өткөрүлөт.

                Ошентип, үстүбүздөгү жылдын  25-декабрында  Кыргыз Өкмөтүнүн Баткен облусундагы ыйшарым укуктуу Өкүлү Жаныбек Жалалов балдарды онлайн форматта – телекөрсөтүү аркылуу куттуктайт. Майрамдын урматына турмуш-шарты абдан оор, социалдык жактан такай колдоого муктаж  жана окуунун мыктылары эсептелген 110 балага Кыргыз Өкмөтүнүн Баткен облусундагы ыйгарым укуктуу Өкүлүнүн жаңы жылдык белек-бечкектери жеткирилет.

Кыскасы, Кыргыз Өкмөтүнүн Баткен облусундагы ыйгарым укуктуу Өкүлү Жаныбек Жалаловдун буйругуна ылайык облустагы район акимдеринин жана шаар мэрлеринин “Балаты- 2021” майрамы дагы онлайн форматында гана өткөрүлүп, бөбөктөргө жаңы жылдык белектер үйлөрүндө өз колдоруна тапшырылат.

Алишер ТОКСОНБАЕВ “АЙМАК”