2,077 Бардыгы /

Азыркы учурда республикабыздын жогорку окуу жайларында жайкы сессиялар башталып, окуу жылы жыйынтыкталууда Албетте, бул учурда ар бир жамаат быйыл эмне жасадык, эмнеге үлгүрдүк, эмнеге үлгүрбөдүк деген суроолорго жооп издеп, ойдогудай жасалган иштеринен канагаттануу алып, мындан ары да жигерденип иштөөгө бел байлап калат эмеспи. Негизинен алганда өткөн окуу жыл түштүк аймактагы жогорку окуу жайларынын флагманы болуп эсептелген Ош мамлекеттик университетинде, анын ичинде биздин факультетте да көптөгөн алга жылуулар байкалды. Материалдык техникалык базабыз чыёдалды, сессияны ачык айкын өткөрүү багытында чечкиндүү кадамдар жасалды. Алсак, биздин факультеттин студенттери жана болочок журналисттер арасында жергиликтүү басылмалардын, телеканалдардын жана эл аралык «Азаттык» радиосунун жетекчилери менен жолугушуулар өткөрүлдү.
Студенттердин «Азаттык» радиосунун Прагадагы бюросунун жетекчиси Венера Жуматаева, «Азаттык+» теле программасынын алып баруучусу Жанар Акаев менен жолугушуусу чоё таасир калтырды. Келген коноктор бүгүнкү журналистиканын абалы тууралуу жана журналистиканын стандарттары жөнүндө баяндап, «Азаттык» үн алгысынын жаралыш тарыхы, учурдагы абалы тууралуу маалымат берди. Биздин студенттер «Диалог Евразия» платформасы, ББСнин кыргыз кызматы жана «Кабар» маалымат агенттиги менен биргеликте өткөрүлгөн «Мамлекеттин бүтүндүгүн чыёдоодо ММКынын ролу» аттуу медиа форумга да чакыртылып, анда Э.Нурушев, Т.Чоротегин, С.Жумагулов, Б. Орунбеков, И. Нуракун, К. Иманалиев, К.Молдокасымов, В. Жуматаева, Ж. Бекбаева сыяктуу белгилүү журналисттердин омоктуу ой-пикирлерине күбө болушту.
Мындай иш-чаралар болочок адистердин теориялык билимин бекемдөөгө, өз кесибине болгон кызыгуусун арттырууга көмөк болду.

Махабат МАМЫРОВА,
Ош МУнун кыргыз филологиясы жана журналистика факультетинин ага окутуучусу