1,959 Бардыгы /

Ала-Бука районунун №30 Кара-Үңкүр жалпы орто билим берүүчү мектептебинде жалпы 220 окуучу бар. Анын ичинен бүтүрүүчүлөрүнүн саны 15 болгон кичинекей эскилиги жеткен мектептин чоң ийгилиги бар.

Биздин айылда өзгөчө кубанычтуу майрам. Анткени райондогу №30 Кара-Үңкүр жалпы орто билим берүүчү мектептин окуучусу Абдилбакы кызы Нуркан ЖРТдан жогорку балл алып, сыймыктанып жаткан учурубуз. Айылдагы мектеп алдыда! Былтыркы окуу жылында да райондун алдыңкы орунун ээлегенбиз.

Үстүбүздөгү окуу жылында он-лайн окуп да ийгиликтин тизгинин бербей, аракетчил мүнөздү уюткулатып, алга карай алпурушкан кесиптештеримди, мектеп директору Назира Уразованы, окуу бөлүмүнүн башчысы Гулсина Шадибекованы, жалпы мугалимдер жамаатын, анын ичинде окуткан предметтик мугалимдерди, атайын даярдаган мугалимдерди, ошондой эле ар тараптуу дем берип турган райондук билим берүү бөлүмүнүн башчысы Чынара Турдукулованы чын дилимен куттуктаймын.

Ыраазычылык кат- мектептин эскилигин эстен чыгарып, маанайды көтөрөт дагы, бизге жаңы окуу жылына карата тоодой дем күч берет.

Алга, кесиптештер!

АЙТПАЙ КЕТСЕК УЯТ БОЛОР…

Эсиңиздерде болсо…

Жапатырмак жабышып мектептерде жалпы республикалык тестирлөөгө даярдык кызуу башталганда районубузга эл өкүлү Исхак Пирматов даяр ОРТга даярдануучу тест китептерди белек кылган болчу. Мына, анын натыйжалуу жыйынтыгы.

Өмүрдүн алгачкы жаз мезгилинде чоң жолго аттанган бүтүрүүчүлөрдүн чечкиндүү кадамдарына четте карап турбай дем берип, билимин тереңдетүүсүнө чоң салым кошкон элеңиз, Исхак Пирматов.

Сизге Исхак Пирматов терең ыраазычылык билдиребиз.

Ашира КУЛИШЕВА, Ала –Бука району